Cairns - Bern

in port douglas hei mir nid so veu gmacht, nid wöu mir nid mögä hei, ds wätter hets eifach nid zuäglah! dr tag isch mit spilä, läsä oder blödumäschnurrä o dürrä gangä!

zwe täg dert obä si de gnuä gsi, u mir hei üs uf ä wäg richtig cairns gmacht, wo mir meh mühä aus mir üs schüsch gwohnt si äs hostel grad ar esplande gfungä! super gsi, äs 3er zimmer nomä grad für üs!

ds wätter dert obä isch o nid grad dr hammer gsi, aber in cairns hets doch ds eintä oder anderä interessantä lädeli gha, wo mir üs so dr tag hei chönnä vertörlä! u natüli o me bars!

donnschtig het de dr päscu no geburi gha, hei no mit dä schwiter frouä vo gänf abgmacht gha, u so si mir fei ä truppä gsi, wo dä fröidig allas het chönnä fiiirä!

am nächschtä tag isch natürli wieder usruhiä drannä gsi!

am fritig hei mir dr willie gschnappet u si richtig nordä nach kuranda gfahrä! isch äs mega schöns dörfli mitten im rägäwoud, si dert chli go loufä u zum nä wasserfall gloffä! isch wiedär mau ä schönä usflug gsi!

am abä hets de gheissä, dr ledscht abä für mi down under! isch doch aalass gnuä gsi für wiedär mau äs feschtli ds fiiirä....

diä wos villächt merkt hei, si widär ä, ö, ü im spiel, das heisst auso bi wieder im lande und wohlbehalten acho!

bi am sunntig nach fasch 30 stunde reisä rächt kabutt ds bärn acho! jetz gniässi mini zyt da wieder in bärn, fröiä mi natürli riiisig u d'euro u hoffä ufs äs positivs resultat vo dä schwiter!

i däm sinn HOPP SCHWITZ

dr gäggeler

Mackay - Cairns

sodeli, scho langsam nimmt mini reis aes aendi zuae, aber wetts doch nid ungerlah, das ig euch no uf ae noeischti stand bringae, de hanis de daheimae o chli eifacher, weni ds zueg cha go nachaelaesae!

nach mackay hei mir ues uf ae waeg richtig aerlie beach gmacht, isch eigentli nuet der, aber dert goe alli luet haerae wo dr saegutripp wei machae zu dae withsundays inslae! si am abae vorhaert dert acho, u woeu dert nid so biiisae weit, hei mir haut beschlossae, chli go biaerlae u ds tanzbei wider mau chli la schwingae!

am naechschtae tag hets de gheissae, ab ufs schiff! mit grosser freude hei mir uesi 90 biaerli u gepaeck zum hafae gschleppaet u hei gwartet, bis mir a board hei choennae gha! aber das war nicht so, ueses schiff isch kaputt gsi, aus der traum!
si hei alles super organisiert, so das mir immerhin uf aem boot im hafae hei choennae schlafae, aber leider hei si waeg dam missgschick no biaer gspaendiert...
okei, hei mir ues uf diae noeaiae luet u noeae boot gfreut, dasmau hei mir ae katamaran gha, u het auso o alles klappet, hei immer no uesi 90 biaer gha!

isch super gsi ues multikultigruppe! am meischae si mir bi dae romond breezen gsi, bi schwedae, hollaender u beliger, diae hei opae uesae suuftempo gha! isch oemue super gsi, aendlaech wieder luet gfungae, wo mi schnupf hei gwuesst schetzae! aber leider isch dae jetzt o scho wieder duerae!

2 taeg u 2 naecht si mir uf aem boot gsi, u natuerli jedae abae party! diae wo mitzeut hei, waer alkohol abae nummer 4 gsi! u dr hammer isch gsi, nach derae saegutour, si fasch alli (ussert dr pascal nid) no iz toerfli go feschtae u saech go verabschiedae! super so bini uf mis 5 taegigae cho, u muaess sagae bi auso trainiert fuer ae gurtae u d'em!

nach derae aaastraengendae zyt hei mir de ues chli muaessae schonae! hei in townsville vom hospitality club oeper gfungae, wo mir gratis hei choennae uebernachtae! super gsi, so richtigi familiae, mit zwoei ching, isch aubae am morgae vei abgangae! dert hei mir nid veu me gmacht aus erholae u chli tschillae!

witer ischaes gangae nach mission beach, dert het ds waetter nid so zuaeglah, oepis ds machae, so hei mir mehr oder weniger ae spiel tag gmacht, wobi dr pascal u ig gli de scho mal gluscht nach aemae rootae hei gha!

vo mission beach si mir diraekt nach port douglas gfahrae, isch oberhalb vo cairns! da dr paescu am donnschtig geburi het, hei mir gseit, mir luaegae de, das mir zu sim geburi raechtzitig ir partzstadt si! hiae isch ds waetter no nid grad dr hammer, vo daem haer me am tschillae!

leider macht jetzt dr willie o langsam schlapp, jedae morgae hei mir mee muaeh zum aalah, hoffae aer fahrt ues no nach cairns... aber wird schon klappen, bis jetzt hei mir ja no niae oepis mit ihm gha!

auso de blibaet super u mir gseht saech scho gli ar bar...

wahrschindli dr ledscht gruaess vo gees goes volees vo dae oossis

Richtig Nordae

zersch mau ae schlaechti nachricht aus erschts.. mir isch dr snus usgangae sit genau 13 taeg, u so bini uf aem trochnigae:-) aber has im griff...

u naer hani no gseh, das ig scho lange nume ha gschribae... sooo bad... aber gibae mir muae

okei voe mir a, auso mir hei ues nach aes paar taegli vo brisbane verabschiedet! ja muess saegae, isch nid grad diae hammer stadt, aber mir heis doch gnossae u hei immer wieder schoeni plaetzli gfungae.

noosa isch ueses naechschtae ziel gsi, isch so naes feriaedoerfli wo mir grad hei gseit, da blibae mir doch me aus ei nacht! het graendiert, si duerae tag duer nae naturpark gloffae wo mir super schoeni gmuetlich straend hei gfungae! am abae hei mir (pascal u marco) wieder mau so richtig la krachae, u si doch no froh gsi, das mir nie hei muessae am 10ni uscheckae, sondern no chli choennae usschlafae.

diae groeschti sandinslae vor waeut, die fraser island, isch aus naechscht uf em program gstangae! mir hei a tour mit 11 angernae luet zaemae buaechet, wo mir alli zaemae mit aemae jeep um d'inslae si duesaet! si ae guaeti truppae gsi, 7 vo UK (irland, schottland, england u wales) isch aues vertraetae gsi, u natuerli no diae 4 schwitzer! muess sagae, d'irlander si am luschtigschtae gsi, wobi ig fasch keis wort verstangae ha.
si 3 taeg / 2 naecht uf dr inslae mit strahlendae sonnenschein u heis guaet gha zaemae. duerae tag chli go baedalae u zueg aluaegae u am abae si mir ums lagerfuer ghocket u hei gsoffae u bloed umaegschnurraet.

nach denae aastraengende taeg uf dr inslae hei mir aes paar taegli ae uszyt brucht, si uf bundaberg gfahrae, u dert no wyter i naes kaff names moore park beach! gloub das isch uf keirae chartae iizeichnaet, isch schoen u gmuaetlach gsi, so richtig erholsam..
ei tag si mir iz groessaera bundaberg gfahrae, wo eigentli national bekann isch fuer si rum. sie dert go deguschtiaer u hei!

vo bundaberg nach rockhampton isch sis opae 300 km gsi, dert hei mir ae nacht oberhalb vom irish pub uebernachtet! mir hets eigentli no gfallae, woeu rocky isch d'houptstadt vom beef, u wes aes steak git fuer 5 stutz de gfauts doch mir.
i usgang si mir dert o wieder mau, u ig bi so gauet druffae gsi, das ig wieder mau mi uf buehni ha gwagt u karaoke zum beschtae ha ghae... luschtig gsi...

nun si mir in makay acho, wo mir 2 taeg blibae! huet si mir afaengs dr botanic garden go aluaegae u mi weiss ja no nid was dr abae bringt...

auso de heits no guaet u bis denae

dr gaeggeler

Sydney - Brisbane

nach langem hin u haer hei mirs doch no gschafft mit daem sitz inaetuae, so isch dr witerfahrt richtig nordae nuemae im waeg gstangae. mir hei ues mit aemae nachtaessae im thai restaurant bi uesaem master bedankt fuer alles. isch no witzig gsi i daem restaurant, hei so dssaeg am bodae gaessae. u diae wo mi kennae wuessae, das aes mit mirae beweglaechkeit nid so toll isch, isch auso nid so naes schoens bild gsi, ig - dr unbeweglach, nid im schniedersitz choennae sitzaendae marco, naebae dir elegantae u elastischae moendlae...

in sydney hei mir aes araschemo kouft fuer richtig nordae, so hei mir ungerwaegs immer wieder aes paar ungerkuenft "gratis" in hostels.

am erschtae tag si mir nid grad wit gfahrae, kommunikation het nid so klappet zwueschae chartaelaeser u angernae passaschiarae, darum si mir numae bis newcastle gfahrae. dert inaes hostel u woeu samschtig isch gsi, hei si mir wiedaer mau dick i usgang.

witerfahrt het ues nach coff harbor gfuehrt, wo mir 2 naecht im nae hostel hei chonnae uebernachtae dank daem araschemo. isch chli aes kaff gsi, aber het grad guaet da, nach daem strubae usgang am tag vorhaer isch das grad guaet cho.

witer nach byron bay, dert si mir fuer 3 naecht gsi, isch super dert... ei abae isch geil gsi, alli zaemae i usgang ds viert u fasch niaenae si mir zaemae inaecho. bi eirae disco sig i ds betrunkae gsi, ir angaerae hei si dr sven nid inaeglah wegen betrunkenheit u ir angaerae het dr paescu nuemmae inaechoennae woeus irgendwiae scho ds spaet isch gsi... ja diae hoschis hei immer ae usred, u we si aubae sagae ID sig kei offiziellae uswiis de isch ee auaes ds spaet. ussert d'moendlae diae huedarae het wieder duer iraes perfektae englisch ueberall igang gfungae.

ei usflug nach nimbin hei mir no gmacht, isch nid so sehenswert fuer nid kiffer, aber teu hei auso spass dran gfungae wieder mau aes gressi ds schmoeckae.
grad im glichaem atemzug si mir nach surfers paradis gfahrae, isch grad dr kehrt haentschae vo byron bay. dert si alli huaerae snobs, gesehen und gesehen werden. aber muess saege glich, discos hei auso no schriiis ghae, oemu diae wo si inaecho:-)

sit geschtaer si mir in brisbane u cha vo hiae no nid veu verzeuae, hei no nid so veu gseh, aber ds beschtae isch, ds waetter isch schoen u warm, vo daem haer paesslaets ues hiae bis jetzt.

auso heit sorg u duemae drueckae fuer YB

cheers vom snuslosae

GeesVolees

In Sydney bei Master John

sunntig vor ae wuchae isch hiae no dr red bull flugtag gsi. mir si mit aem john i botanic gartae gfahrae u hei dert mit angernae 60'000 luet dae event verfougt.. isch luschtig gsi, aber irgendwiae nach 10 so fluegversuechsch isch de gnuae gsi.

am mittwoch si d'moendlae u dr paescu zu ues cho, dr john isch so nae geilae siaech u aer het gmeint, sig doch kei problem we diae zwoei o bi ues wohnae, vo daem haer dr hammer...

mir hei ues gedanke gmacht, wie geht unseres reise weiter... denn willie isch numae ae 2 stitzer u mir si jetzt 4 luet. vo veunae luet hei mir ghoert, dass aes in sydney so nae car market git fuer backpagers. mir hei daenkt willie verchoufae u ae 4 plaetzer choufae...

so si mir zum nae mech gfahrae um dr willie uf maengle ds ueberprueffae. das muaesch machae bevor mae dae charae dert ungae cha verchoufae.

vo denn a het uesae alltag agfangae. de market isch vom 9ni bis am haubi 5i offae gsi, u i derae zyt waers guet gsi we mae presaent waer gsi... mir heis nid gaeng gschafft am morgae!

uf dr eintae sitae ischaes mega cool gsi, (het BBQ gha, bier trunkae dr ganz tag, gjasset, gspeut, mit angernae backpagers gredt) uf dr angerae sitae o raecht truuurig (irae iiiisteuhauae, kei sunnaelicht, keini luet, chaut u grussig) aber muess saegae isch ae erfahrig waert gsi.

leider hei mir dr willie nid verchouft oder besser gseit nid zu daem priiis wo ues bottae isch wordae. ae duetschae het ues uf ae gueti idee bracht, u ig fragae mi immer no, wieso si mir gstudiertae luet nid uf diae idee cho.

mir soeuae doch zum nae schrotthaendler gha u dert ae autae sitz go choufae, de chamae naer mit aem willie ds viert umaereisae...

der stand der dinnge isch huet morgae, mir hei zwar ae sitz, aber aes wott nae niaemaer fixiaearae waeg dr haftig. aber einae vo daem schrottplatz het gseit, aer machis uf privater basis, so hafti niaemaer... jetz si mir gespannt....

mis fazit: lieber zug fahrae aus outo

am aba si mir geng chli vo bar zu bar. di alli zaemae go bowlae, iz casino u wiedaer id bar... ledscht sunntig het ues master john waeuae mitnaeh iz hunter valley. isch sehr bekannt fuer wiiiabou. so si mir vo wiiiguet zu wiiiguet gfahrae u hei probiert u probiert... het auso sehr feinae drunger gha...

so mir hoffae, dass dr james dr mech vom schrottplatz dr sitz bis am fritig cha fixierae, damit mir naer glich mau choei witerfahrae richtig nordae... trotz dr exorbitantae unterkunft vom john...

miau

Ankunf Sydney

vo melbourne us hei mir ues zyt gno u hei diae strecki i fuef tag gmacht, aber hei immer wieder schoeni plaetzli gfungae wo mir mit aem willie hei choennae uebernachtae! maengisch hets saechs wuerkli glohnt chli uf abwaegae ds gha.

in sydney choei mir bim john, das isch dr ex homestayfather vom gabriel in perth gsi, uebernachtae! u ohni seich, aer isch dr hammer! aer het aes apartemant mitten ir city, u chocht u bringt ues i usgang, isch isch eifach der best, aber isch the master!

geschtaer ha ig zertscht mau dr paescu u d'moendlae gseh, u isch doch aes froedigs traeffae gsi! am abae si mir all zaemae mit aem john i usgang, id opera bar! isch scho dr hammer we de ds sydney im hafae zwueschae harbourbrigde u operahouse dis biaerli chasch schlueflae! schoenae abae gsi, aber gaegae diae 3 si diae eutaerae herrae, dr john, paescu u ig langsam mued wordae u si naer hei gangae!

bir moendlae u bim sven isch ds motoerli vei guaet gschmieraet gsi, si huet morgae am haubi nueni hei cho u si jetzt am pennae, vo daem haer hani grad guaet zyt mi blog widaer mau chli ds erneuaerae!

hiae in sydney wird sicher no veu ds verzeuae ghae, darum drannae blibae, drannae blibae...

gruaess id schwitz

Melbourne

bi uesem hospitalityclub member daniel hei mir ungerschlupf gfungae in melbourne zum uebernachtae. isch zwar chli usserhaub gsi vor stadt, aber derfuer het aer ae riiisae huettae gha mit veu platz fuer ues zwe.
si no no angeri luet dert gsi, eini vo duetschland u einae vo italieae, vo daem sehr luschtig gsi!


isch de nid lang gangae si mir stadt go aluegae. irgendwiae bini nid so warm wordae i derae stadt, weiss nid obs am schlaechtae waetter isch glaegae oder was. enu si naer chli umaegschlaenderet u iscBh de nid lang gangae bis mir aes sympatischaes irish pub hei gseh! ds desaster het saech denaer am 10i zeigt, wo ig ha scho muessae go liegae. isch luschtig gsi, si bim nae baerner im hostel gsi go party fiirae u aer het mir naer si bett abottae! wo ig am morgae bi erwachet, isch dr sven u dr berner am bodae am pfusae gsi .


blick uf melbourne

am samstig abae si mir a nae aussi footy maetsch gangae! isch so nae mischig ussae football u rugby, aber eifach veu luschtiger! suesch mau go luaegae....
http://www.youtube.com/watch?v=PuyNNjJaGdc

nach 4 taeg hei mirs gseh gha u si am sunntig richtig sydney losgfahrae.

dert wird sicher post abgha, we ig d'moendlae u dr paescu gseh.

cheers