Adelaide - Melbourne

wo alles klar isch gsi mit aem willie si mir mit grossae schritt richtig adelaide gfahrae! mir hei ues vor gno, nueme so veu ds fahrae a eim tag, sondern ds zueg chli ruhiger aadsgha! si gaegae diea hundert kilometer suedlaech gfahrae, hei dert uebernachtet mitten im dorf naeb aemae spielplatz. si immer so gaegae diae 100 km pro tag gfahrae u si de gli mau in adelaide acho.

widaer mau irae grossae stadt, isch zersch chli kommisch gsi, so veu outos u wider mau ae ample ds gseh! hei vom hospitalityclub ae jungi dame gfunge, wo ues het bi sich la uebernachtae. am tag druf het si ues d'stadt zeigt - auso nice to see, aber nid wuerkli sehr interessant. mir hei ues verabschidet vo ihrae u si naer i naes pub ghocket! am schlauae sven isch aes fussball plakat ufgfalle, championsleauge game, adelaide-chungchun china a daem abae, matschbeginn in einer stunde! sofort ds biaer gexet u hei ues uf d'suaechi nach daem stadion gmacht!
het auso fasch glaengt, 10 min spaet si mir im stadion dinnae gsi, aber ds niveau isch nid grad dr hammer gsi u aes het leider o nomae aes 0:0 ghae! aber immerhin hei mir widaer mau fussball gseh!

nach zwe tag adelaide hei mirs gseh gha, u si naer wyter richtig melbourne! in robe hei mir haut gmacht, isch so naes bekannts freizyt doerfli vo dae adelaianer, wo chli wei relaxae! isch ja no oschtaerae gsi, vo daem haer hets vei veu luet gha!
am karfreitag hei mir inaerae bar aes biearli woeuae go ds zwickae, aber das chamae nid machae, we mae nuet isst, denn isch isch verbottae am nae karfritig alkohol usdsschaenkae! hei naer eifach ds billigschtae aessae gno, damit mir zum nae biaerli choemae! derfuer isch ds biaer um so besser gsi!

in robe hei mir no ae sued koreaner kennae glehrt, wo jetz mit ues chli aem omae reisae isch! isch ae luschtigae typ dr lee, oder mi saegae ihm immer chasperlee! mir spielae mit ihm u suffae mit ihm, aber bim suffae het saechs widaer einisch me zeigt, diae asiatae moegae nuet verliedae! no ae guaetae tipp, unbedingt mau mit aemae asiat schnupfae, sooo luschtig! muess de no mau es video machae, da verrrecksch...

si naer ds dritt witer greist u jedes mau we mir hei aes schoens plaetzli hei gseh, hei mir uesae willie parkiert u hei naer kochet, gspielt u gschlafe!

vo warrnambool a het naer wou eini vo dae beruehmtaeschtae strass agfangae - the great ocean rd - isch mega iidrueckli gsi, wiae diae feusae im wasser si gformaet wordae, diae bruegge u buchtae wos het ghae duer wind, welle und sand! wies so isch, we troschtpriisae ungerwaegs si, isch ds waetter natuerli o so gsi! het schiffaet u gmacht, aber vo daem haer hets no spezielli foeteli ghae, u nid diae sunnaeschiinfoeteli wo ee jedae het!

huet aem morgae hei mir ues vo uesem kasperlee trennt, aer wott no chli go touchae u mir hei aebe huet in melbourne abgmacht. mir waerde ues sicher widaer gseh, denn aer wott ja o uf sydney, vo daem haer...

in melbourne choei mir widaer zum nae hospitality member gha, u aer het schribae, aer kenni veu bars u pubs, vo daem haer wird das hiae sich er ae frueaet froehlaechi sach!

i daem sinn, prost u bis ar bar